НБА

Џејмс го кани Дурент во Монако: Ќе му понудат јахта (ФОТО)

Објавено

на

6 февруари, 2023

Од

Кајри Ирвинг е во фокусот на вниманието во НБА лигата, а причината за тоа е неговото заминување од Бруклин Нетс и преселбата во редовите на Далас Маверикс каде ќе има можност да соработува со Лука Дончиќ.

Бруклин и Далас направи зделка која им одговара на двата тима, зделка која дојде откако Кајри се реши да побара трејд незадоволен од тоа што му беше понудено за продолжување на соработката. Со оглед на тоа што претходно си замина и Џејмс Харден тоа јасно говори дека целосно пропадна проектот на Нетс за тројката „Харден-Ирвинг-Дурент“, тројка која се очекуваше дека ќе донесе титула на оваа организација.

Меѓутоа ништо од таа приказна, па сега останува прашање кога и Дурент ќе ја напушти сегашната средина со тоа што медиумите пренесуваат дека Феникс Санс веднаш би се активирал ако Кеј-Ди би станал достапен.

Овие случувања со внимание ги прати еден од најдобрите играчи во Евролигата и воедно пријател на Дурент, членот на Монако, Мајк Џејмс кој ги искористи социјалните мрежи за испраќање на едно понуда.

-Секој ќе сака да го донесе Дурент. Монако може да му понуди јахта, -напиша Мајк.