Поврзете се со нас

Германија

Џака за рецептот за успех на Чаби Алонсо: Менталитетот прави чуда

Објавено

на

Foto:twitter.com/bayer04fussball

Баер Леверкузен зад себе има импресивна сезона во која ја освои Бундеслигата, а вечерва може да стигне до уште еден престижен трофеј бидејќи е дел од финалето на Лига Европа, во кое ќе се сретне со Аталанта.

Тимот на Чаби Алонсо притоа нема пораз на последните 50 натпревари и на голем дел од нив успеа да дојде до израмнување или целосен пресврт во самиот финиш, а Гранит Џака смета дека тој и неговите соиграчи профитираат од менталитетот на тренерот.

Искусниот швајцарски репрезентативец зборувал отворено за формата на Баер сезонава и открил детали поврзани со работата на Алонсо.

– Го прашував многу работи за Реал Мадрид во времето кога тој беше играч. Го прашував за неговите партнери во средниот ред, за напаѓачите, за тренерите и колку ситните детали се важни во фудбалот.

– Се работи за тоа дали го поседувате тој менталитет да бидете мирни и кога не ви оди. Пример за тоа се пресвртите кои ги направи Реал и бројот на натпревари кои ги добиле додека биле во негатива во продолжение. Тоа не се случуваше само кога тој играше за Реал, туку се случува и денеска.

–  Тоа се тие мали детали кои се потребни за да бидете конкурентни со големите клубови. Мора да бидете смирени ако не играте добро и да верувате дека можете да дојдете до посакуваниот резултат до крајот, – истакнал Џака.

Реклама
Реклама
Реклама

Популарни