Џака постигна страшен гол на отворањето на Бундеслигата и го фрапираше Алонсо (Видео)

Новата сезона во Бундеслигата беше отворена со натпревар на актуелниот шампион Баер Леверкузен, кој по се изгледа продолжува онаму кадешто застана пред неколку месеци.

„Фармацевтите“ се претплатија да постигнуваат клучни голови за победа и реми минатата сезона, а во тој стил продолжија и на отворањето на новата, бидејќи синоќна со гол во 101-та минута славеше на гостувањето кај Менхегладбах.

Флоријан Вирц го постигна погодокот за победа во судиското продолжение откако Борусија Менхегладбах се врати од два гола негатива (2:3), но дефинитивно потег на мечот беше мајсторијата на Гранит Џака со која беше отворен резултатот.

Швајцарскиот репрезентативец зафати страшна „бомба“ во 12-та минута и го матираше Омлин, но со својот брутален гол го фрапираше и тренерот Чаби Алонсо.

Шпанецот не го криеше воодушевувањето од голот на својот фудбалер, кој инаку не го славеше истиот од почит кон поранешниот клуб за кој настапуваше четири години.