Поврзете се со нас

Италија

Ѕербин се покажа како вистински „џокер“ за Наполи, италијанскиот Суперкуп донесе тажни слики од Саудиска Арабија (Фото)

Објавено

на

Foto:twitter.com/sscnapoli

Наполи е првиот финалист во премиерниот италијански Суперкуп на кој настапуваат по четири екипи, но сцените кои пристигнаа од Саудиска Арабија дефинитивно не се добра промоција за италијанскиот фудбал.

Полуфиналето меѓу Наполи и Фиорентина се играше пред полупразни трибини и тоа е ситуација која сигурно не би се случила во Италија, па многумина уште сега почнаа да заклучуваат дека овој проект е вистинско фијаско.

Што се однесува до натпреварот, актуелниот италијански првак Наполи успеа да победи со 3:0 и да го скрши отпорот на Фиорентина, која повторно не ги користеше шансите.

Наполи дојде до водство со голот на Симеоне во 22-та минута, но „виолетовите“ пропуштија да се вратат во игра кога пред крајот на првиот дел пенал не реализираше Иконе.

Со резултатот 1:0 се влезе во последните минути од средбата, а тогаш „џокерот“ Ѕербин се покажа како јунак за „наполитанците“. Напаѓачот влезе во игра во 81-та минута, а пет минути подоцна имаше два гола зад своето име и ги постави конечните 3:1.

Во второто полуфинале во Саудиска Арабија, силите ќе ги одмерат Интер и Лацио.

Реклама
Реклама
Реклама

Популарни