Ѕаниоло се премислил во последен момент, Борнмут решил да купи играч од ривал на Рома

Николо Ѕаниоло одби да се пресели во редовите на Борнмут, а тоа индиректно излезе како одлична услуга за еден ривалски тим.

Сасуоло направи уште една одлична и профитабилна зделка, продавајќи го Амед Траоре во редовите на премиерлигашот и за тоа ќе заработи 30 милиони евра.

Тоа беше сумата која Борнмут ја нудеше и за Ѕаниоло и која Рома ја имаше прифатено, но фудбалерот не сакал да се пресели во екипата од долниот дел на премиерлигашката табела.

За драмата да биде поголема, новинарот Џанлука Ди Марцио тврди дека Ѕаниоло вчера се премислил и побарал од агентот да го договори трансферот во Борнмут, но сега премиерлигашот го откачил фудбалерот со објаснување дека е истрошен буџетот планиран за јануари.

Директорот Џовани Карневали потврдил дека офанзивниот играч ќе донесе 30 милиони за Сасуоло по крајот на сезоната, што е уште еден голем успех за „нероверди“ тимот на трансфер пазарот.

Another one through the door ✔️

Hamed Traorè has joined #afcb from Sassuolo on an initial loan, which will become permanent in the summer ✍️

— AFC Bournemouth 🍒 (@afcbournemouth) January 31, 2023