Двократен олимписки шампион преживеал авионска несреќа во Кенија (Фото)

Двократниот олимписки шампион Давид Рудиша имал неверојатна среќа во авионска незгода која се случила во неговата родна Кенија, а како што вели самиот, главен виновник за тоа што минал негребнат од големиот шок бил фантастичниот пилот.

Човекот кој е рекордер на делницата од 800 метри со време од 1 минута, 40 секунди и 91 стотинка имал страшно приземјување изминатиот викенд, или поточно во саботата.

Инцидентот се случил во близина на градот Кајиадо во Кенија, а покрај Рудиша, во авионот биле уште пет лица и навистина добро е што никој не завршил трагично.

– Се беше во ред на седум или осум минути од полетувањето, но потоа одеднаш моторот на авионот не се слушаше и прекина да работи. Пилотот виде празно место каде што може да слетаме, но при обидот, едното крило заврши во дрво и авионот почна да се врти.

– Пилотот заврши неверојатна работа што го одржуваше авионот стабилно толку долго време, – открил Рудиша за „Дејли Нејшн“, а притоа се објавија и фотографии како позира со превртениот авион.

Two-time Olympic 800m Champion David Rudisha and five others escaped with injuries in a plane crash on Saturday at Imbirikani in Kajiado County after attending the Annual Masai Olympics event at Kimana Wildlife Sanctuary!

We wish them a quick recovery.#RadullLive pic.twitter.com/k2Rb50C5Vq

— @RadullLive (@radulllive) December 11, 2022