Двојникот на Нејмар е сензација во Катар: Го измамил обезбедувањето и влегол на терен (Видео)

Нејмар е во аут до крајот на групната фаза на Светското првенство, но тоа е сега најмал проблем за бразилскиот тим, од едноставна причина што „кариоките“ денеска обезбедија пласман во осминафиналето.

Големата ѕвезда ќе може мирно да се опоравува за нокаут фазата и нема да мисли за последниот меч во групната фаза против Камерун, но во меѓувреме, шоуто во Катар го украл неговиот двојник.

Еигон Оливеира и е добро познат на бразилската спортска јавноста поради неверојатна сличност со Нејмар и факт е дека тој заработува и добри пари со објавите кои ги има на социјалните мрежи, но луѓето во Катар останале комплетно збунети од двојникот на Бразилецот.

Оливеира направил безброј селфиња изминатите неколку дена во Доха и се претворил во вистинска сензација и успеал да ги измами и новинарите, а влегол и на неколку терени бидејќи обезбедувањето навистина мислело дека станува збор за бразилскиот репрезентативец.

Видеата се преземени од Тик-Ток профилот на Еигон, а угледната „Марка“ ги спои истите и направи интересна компилација.