Две ѕвезди од Серија А чекаа на ред за слика со Кристијано како обични фанови (Видео)

Кристијано Роналдо поставува нови стандарди на 39-годишна возраст, па вчера на три месеци пред да влезе во петтата деценија од животот, Португалецот воодушеви со акробација како во најдобрите денови.

Роналдо постигна два гола против Полска и оној вториот беше навистина спектакуларен, а каква возбуда предизвика големата ѕвезда и меѓу своите колеги, најдобро ни говори видеото од подтрибинскиот простор.

Видео материјалот од „Драгао“ брзо стана вирален хит, бидејќи на истиот може да се види како две големи ѕвезди од Серија А се однесуваат како обични фанови кога е Роналдо во прашање.

Полските репрезенативци Залевски и Зиелински чекаа на ред да дојдат во близок контакт со Роналдо, по што двајцата побараа да се сликаат со него.

Португалскиот капитен без размислување одговори позитивно на двете барања, па ѕвездите на Рома и Интер го добија тоа што го сакаа.

Cristiano Ronaldo, Nicola Zalewski, Piotr Zieliński 📸 pic.twitter.com/7YXfp8Eg62

— Meczyki.pl (@Meczykipl) November 15, 2024