Две ѕвезди на Јунајтед се расправаа на теренот по тешката победа во Плзен, Аморим порача: Тоа е перфектна слика

Манчестер Јунајтед го избра потешкиот пат за победа во Плзен, но на крајот успеа да направи пресврт против Викторија и да победи со 1:2.

Расмус Хојлуд беше јунак за гостите од Англија и Данецот постигна два гола за пресврт, но во завршницата ќе имаше и стопроцентна шанса за хет-трик ако добиеше топка од Амад Диало.

Фантастичното крило беше себично во неколку ситуации на натпреварот во Чешка, меѓутоа со последниот потег го разбесни Хојлунд кој имаше и пожестоки забелешки за соиграчот по последниот свиреж.

Караницата на теренот се најде во прв план по крајот на мечот, па оваа тема го засегна и Рубен Аморим кој пак порача дека му се допаднало тоа што го видел.

– Свесен сум за тоа и видов што се случи. Според мене, тоа се перфектни сцени. Ако не ви е грижа за ништо, тогаш нема никако да реагирате. Кога има реакција, се карате со своите браќа, татко, мајка. За мене, ова беше многу добар знак од играчите и нешто сосема нормално.

– Оставив играчите и капитенот самите да решаваат. Ако некогаш мислам дека е претерано, ќе влезам во соблекувалната и ќе реагирам. Кога се на теренот, имаат право да се надополнуваат, да се караат, да се борат и за мене тоа е навистина добар знак, – порача Аморим.

Rasmus Hojlund and Amad Diallo arguing at each other for not passing the ball

Things I love to see 😂🤩 pic.twitter.com/ZnXj50eZ4I

— Kara (@UTDKara) December 12, 2024