Две асистенции на Рашфорд и два погодоци на Асенсио го нокаутираа Челси на „Вила парк“ (Видео)

Челси продолжи со својот во вториот дел од сезоната и претрпе нов болен пораз во Премиер лигата, овојпат од директен ривал за настап во Европа наредната сезона.

Астон Вила успеа да направи пресврт и да се врати по почетниот гол на Енцо Фернандез, а клучни за тоа се покажаа двете големи зимски засилувања за Унаи Емери.

Маркус Рашфорд и Марко Асенсио почнаа да прават разлика на „Вила парк“, и тоа во акции во кои директно се проиграа за голем пресврт во Бирмингем.

Рашфорд влезе во игра на стартот на вториот дел и брзо асистираше до Асенсио за 1:1, додека најважниот момент следеше во 89-та минута кога истата комбинација се погрижи и за втор погодок.

Шпанецот одлично реагираше по додавањето од Маркус, но на голот кумуваше и катастрофалниот потег на Јоргенсен кој дозволи топката да заврши во неговиот гол.

Астон Вила со оваа победа се доближи на само еден бод од шестопласираниот Челси, па јасно е дека битката за Лига на шампионите и Лига Европа ќе биде крајно неизвесна до крајот на сезоната.