Два клуба од Ла Лига доделија откази за своите досегашни тренери

Викендот со тренерски откази во Премиер лигата е надополнет со понеделнички откази во шпанска Ла Лига.

Раководството на Валјадолид денеска соопшти дека се разделува со досегашниот тренер Хозе Рохо Пачета, а допрва ќе биде потврден стручњакот кој ќе биде негов наследник.

Слабата серија на Валјадолид кулминираше со вчерашниот убедлив пораз од Реал Мадрид со резултат 6:0, па Пачета не го преживеа овој потоп.

Валјадолид му се заблагодари на досегашниот тренер за соработката и се надева дека екипата ќе успее да ги поправи резултатите, бидејќи сега е на само бод од опасната зона.

Истото се случи и со Диего Мартинез, кој денеска заработи отказ од Еспањол. Каталонскиот клуб забележа четврти пораз по ред и има бод помалку од Валјадолид.

🚨 OFICIAL: Pacheta y Diego Martínez, destituidos oficialmente por parte de @realvalladolid y @RCDEspanyol

Las sensaciones y los malos resultados empiezan a cobrarse sus víctimas ante la traca final de la temporada. pic.twitter.com/LPyqlhtFgi

— Rodrigo Fáez 🕶🐝 (@RodrigoFaez) April 3, 2023