Два фантастични гола во Турција и победа за Елмас и соиграчите (Видео)

Наполи го одигра првиот контролен меч на подготвителниот период во Турција, а Лучијано Спалети им даде шанса на сите играчи кои ги понесе со себе во Анталија.

Анталијаспор се покажа како добар тест за Елиф Елмас и соиграчите, бидејќи на натпреварот кој беше максимално отворен беа видени пет погодоци.

Распадори го отвори резултатот со неверојатно прецизен шут во аголот, Политано брзо зголеми на 2:0, додека истиот играч стрелаше и во вториот дел. Претходно Анталијаспор се врати во игра Мехмеди, а Озмерт од слободен удар ги постави конечните 3:2.

Елиф Елмас го одигра првото полувреме на денешниот меч и имаше добри комбинации со своите соиграчи, но во вториот дел му го отстапи местото на Гаетано.

Наполи на овој натпревар настапи во неофицијални и празнични дресови, а идентично треба да биде и за четири дена кога лидерот во Серија А игра во Турција против Кристал Палас.