Дурент за новиот формат на НБА Ол-стар викендот: Катастрофа!

Одговорните во НБА направија нова промена на форматот на Ол-стар викендот, а одлуката предизвика многу коментари меѓу фановите, но и меѓу ѕвездите во лигата кои очигледно не се многу воодушевени од она што ќе се случува во февруари.

Според новиот формат, ќе се игра мини турнир со четири екипи, три ќе бидат составени од најголемите ѕвезди, а еден од играчите кои ќе настапат на првиот натпреварувачки ден, а победниците ќе бидат одлучени во партии „прв до 40 поени“.

Досега најжестокиот негативен коментар стигна од Кевин Дурент, кој смета дека лигата повторно прави непотребен експеримент.

– Го мразам, апсолутно го мразам ова што го направија.

– Ова е катастрофа, секоја промена на форматот за мене е катастрофална. Едноставно треба да се вратиме на класичен дуел Исток-Запад и да ја одржуваме традицијата.

– Тоа е мое мислење, можеби грешам, времето ќе покаже, – рекол Дурент.