Дурент и Бил се вратија, Феникс го разби ЛА Лејкерс (ВИДЕО)

Кевин Дурент и Бредли Бил се вратија во почетната постава на Феникс Санс откако ги надминаа повредите, а нивнито присуство на теренот донесе нова енергија, квалитет и знаење и убедлив триумф на „сонцата“ над Лос Анџелес Лејкерс од 127:100 во НБА Купот.

Феникс влезе во ова соочување со пет порази во низа, серија која сега е прекината со извонредна игра и славје над ривалот од Западот. Домаќините имаа минимална предност од 62:60 по првото полувреме, меѓутоа во третиот период беа на далеку повисоко ниво од „езерџиите“ и ги добија овие минути со 36:18 со што си го отворија патот до триумфот.

Букер беше автор на дабл-дабл од 26 поени и 10 скока, Дирент и Бил пак реализираа по 23 поени. Најсветла точка кај гостите кои сега имаат три порази во низа беше Дејвис со 25 поени, 15 скока и 5 асистенции.

Највозбудливо беше во Минеаполис каде Минесота по дополнителните минути загуби од Хјустон Рокетс со 117:111.

НБА резултати:

Вашингтон – Чикаго 108:127
Мајами – Милвоки 103:106
Минесота – Хјустон 111:117
Јута – Сан Антонио 115:128
Феникс – ЛА Лејкерс 127:100