Дуплантис собори светски рекорд на Бубка од 1994 година (Видео)

Шведскиот атлетичар Арманд Дуплантис вечерва постави светски рекорд во дисциплината скок со стап, надминувајќи го резултатот на легендарниот Сергеј Бубка и на отворено.

Дуплантис претходно го соборуваше рекордот во сала, но на митингот во Рим успеа да го надмине Бубка и во натпревар на отворено.

Рекордот на Украинецот изнесуваше 6,14 метри и беше актуелен од 1994 година, но вечерва Дуплантис од втор обид успеал да прескокне 6,15 метри.

Иако е јасно дека Дуплантис има потенцијал да постави и подобар резултат, вечерва не се ни обидел да го подобри рекордот.

Најдобриот резултат во сала постигнат во февруари изнесува 6,18 метри.