Дугари со критики за Меси: Ја направи истата грешка како Ибрахимовиќ

Лионел Меси ја заврши својата етапа во ПСЖ, а паралелно со објавувањето на постигнатиот договор со Интер Мајами, изјави дека се чувствувал несреќно двете години додека настапуваше за францускиот клуб.

Ваквиот став го испровоцира поранешниот француски репрезентативец Кристоф Дугари, кој за медиумите потенцирал дека Меси зборува глупости.

– Со сета почит кон него, тоа што го направи е грдо и несфатливо.

– Уморен сум од фудбалери кои зборуваат само за себе, имаат се за да бидат среќни, а не размислуваат што ќе кажат нивните соиграчи, тренерот и навивачите.

– Зарем Меси нема ПР советник, како може да зборува такви глупости? Ибрахимовиќ го направи истото, сигурно и Нејмар ќе го следи нивниот пример, додека Бекам си замина во голем стил.