Дуе со спектакуларен гол го „замрзна“ Мартинез (Видео)

Дезире Дуе го пресели Бредли Баркола на клупата за резерви, а со изданија како оние во последно време, сигурно ќе му биде загарантирано стартното место во тимот на Луис Енрике.

ПСЖ вечерва одигра доминантно прво полувреме против Астон Вила и вистинско чудо е како нема предност на полувреме, но за волја на вистината, можеше многу лесно да замине и со негатива на паузата.

По низата нереализирани шанси, гостите од Англија казнија и поведоа со 0:1 со голот на Роџерс, меѓутоа експресно одговор на спротивната страна пристигна од Дуе.

Крилниот напаѓач постигна спектакуларен гол и не му даде никаква шанса на Емилијано Мартинез, кој до тој момент имаше собрано пет интервенции.

На овој начин, на пауза се замина со резултат 1:1, па јасно е дека домаќините ќе тргнат уште поагресивно во вториот дел.

Голот погледнете го ТУКА