Дудек со објава за „Ел Класико“ арбитражата: Барса ги поткупила судиите (Фото)

Карло Анчелоти отвори големи сомнежи со својата изјава која ја даде по новиот „Ел Класико“ за неговиот Реал Мадрид, трет во низа во пресметките со Барселона оваа сезона.

„Кралевите“ беа доста блиску до победа кога Марко Асенсио ја затресе мрежата на Тер Штеген во 81-та минута, но наместо 1:2, натпреварот заврши 2:1 и сега Барса има огромна предност во битката за титулата.

Голот на Асенсио беше поништен поради сантиметарски офсајд, а дополнителен шок за Реал беше тоа што прими гол од Франк Кеси во судиското продолжение.

Анчелоти не остана убеден од замрзнатата слика на ВАР и истакна дека со право можат да се сомневаат околу офсајдот за поништениот гол на Асенсио, а на тој начин гледа и Јержи Дудек.

Поранешниот голман на Реал Мадрид ја објави сликата која ја видоа сите фудбалски фанови, со јасна илустрација дека Барселона ги поткупила судиите.