Дресот на Мбапе од дебито во Ла Лига заврши во рацете на најпознатиот фан на Реал (Видео)

Килијан Мбапе вчера се најде во фокусот на вниманието поради својот деби настап во Ла Лига и „ЕСПН“ дури воведе специјална камера за да го следи секое движење на Французинот, кој на крајот немаше настап каков што замислуваше.

Мбапе пред неколку дена имаше деби од соништата кога постигна гол за потврда на победата во европскиот Суперкуп, но првиот настап во Ла Лига ќе го памети по ремито со Мајорка.

Килијан не успеа да се запише во листата на стрелците и ќе мора да почека за голгетерска премиера во шпанската фудбалска елита, но и без тоа, Французинот привлекол внимание по крајот на мечот.

Медиумите открија дека неговиот дрес од првиот настап во Ла Лига завршил во рацете на најголемиот фан на Реал Мадрид, кој вчера интересно беше и специјален гостин како резидент на Мајорка.

Рафаел Надал важи за најголем фан на Реал меѓу познатите спортисти, а токму тој ја имал честа да го добие дресот од Килијан во подтрибинскиот простор на стадионот „Сан Мош“.

Kylian Mbappé regalándole su camiseta a Rafa Nadal 😍

MADRIDISMO 🤍

pic.twitter.com/giBIycKVRV

— Real Madrid Fans 🤍 (@MadridismoreaI) August 18, 2024