Драматична завршница во Гевгелија, Кожув славеше над Работнички

Кошаркарите на Кожув по голема борба славеа над Работнички со 81:79 во вториот натпревар од денешната програма во Првата лига.

Беше драматично, неизвесно до последната секунда, решавашаше една топка или во случајов пресудни беа поедните кои домашниот играч Вилсон ги постигна на осум секунди до крајот. Гостите од Скопје имаа шанса да возвратат, но Ефремовски не го погоди шутот за три поени, а не беше искористен ниту офанзивниот скок на Полутак.

Ова беше седмо славје за гевгеличани кои сега имат идентичен учинок 7-4 како вечерашниот ривал. Пилепиќ со 27 поени беше најефикасен играч, Вилсон имаше дабл-дабл од 18 кошеви и 11 асистенции.

Кај Работнички најдобри беа Шошкиќ со 26 и Ефремовски со 18 поени.