Драмата за Французинките, следи битка со Американките за златото на ОИ

Репрезентацијата на Франција ќе биде противникот на Соединетите Американски Држави во финалето во женска конкуренција на Олимписките Игри.

Французинките по една голема драма и дополнителни пет минути излегоа како победници од полуфиналното соочување со Белгија со резултат 81:75. Се водеше жестока борба за секоја топка, секој поен, па токму тоа донесе нерешен резултат од 66:66 по четири четвртини за да во продолжението домаќинките подобро се снајдат и со 15:9 се изборат за најмалку сребрен медал на турнирот.

Во завршниот меч ги очекува САД, апсолутниот фаворит за првата позиција кој денеска ја надигра Австралија со 85:64.

Четири кошаркарки беа двоцифрени, најефикасна беше Стујарт со 16 кошеви.

Пресметките за златото како и за бронзата се на програмата в недела од 11:30 и 15:30 часот.

Само за потсетување и во машкото финале ќе се соочат селекциите на САД и Франција.