Драмата во Мадрид за домаќините: Реал ја доби Барселона во евролигашкото „Ел Класико“ (ВИДЕО)

Кошаркарите на Реал Мадрид славеа над Барселона со 91-86 во највозбудливиот меч од денешната програма од 21.коло во Евролигата.

Каталонците водеа по првата четвртина, водеа на полувреме, водеа и по третата четвртина, но во завршниот период потклекнаа или поточно му дозволија на домаќинот со 23-14 да се избори за реми од 73-73 и дополнителни пет минути. Тука моментумот, енергијата беше кај Реал кој одигра одлично напаѓачки (18-13) и избори славје за големо задоволство на присутните во „Визинк Центарот“.

Дек со 23 поени беше прв стрелец, одлична поддршка му беа Љуљ со 19 и Муса со 18 кошеви. Миротиќ за поразените пак уфрли 17 кошеви.

Сега Реал има учинок 14-7, Барса пак е на 13-8.

Останати резултати: Панатинаикос-Жалгирис 89-65, Монако-Милано 101-88, Асвел-Фенербахче 91-77 и Алба-Валенсија 88-94.