Драмата од теренот се префрли, во подтрибинскиот простор: Клоп и Дајч се „зајадоа“ во тунелот (Видео)

Ливерпул имаше максимална доминација во првото полувреме на „Енфилд Роуд“, но ниту Барнли не беше комплетно безопасен бидејќи испрати дури три шута кон голот кој го брани Алисон.

Домашниот тим не ја искористи својата иницијатива и офанзивната игра во првите 45 минути, но бидејќи се играше доста цврсто, двајцата менаџери имаа спротивставени мислења за одредени одлуки на судиите.

Јирген Клоп и Шон Дајч приредија доста необична сцена по крајот на првото полувреме, бидејќи покрај тоа што си разменија неколку жестоки зборови, очигледно беше дека Германецот е разочаран од фактот што противничкиот колега не сака да го дослуша.

Инцидентот настана откако Фабињо и Ешли Барнс имаа пресметка на теренот пред крајот на првиот дел, па очигледно нервозата се префрли и на клупата каде менаџерите го истакнаа својот темперамент.

Words exchanged between Jurgen Klopp and Sean Dyche at half-time. 👀

📹 @footballdaily pic.twitter.com/Lb60cakLtL

— Footy Accumulators (@FootyAccums) January 21, 2021