Драма во судиското продолжение: Лукаку со деби гол го најави лудиот пресврт на Наполи (Видео)

Наполи беше на раб од ново непријатно искуство во новата сезона во Серија А, но херојското издание на избраниците на Антонио Конте на крајот беше наградено со два гола во судиското продолжение.

Парма ги закомпликува работите за фаворитот на „Диего Марадона“ со голот од пенал во Бони, а овој погодок од 19-та минута беше активен до судиското продолжение, кога на сцена стапија домашните фудбалери.

Антонио Конте фрли се на една карта и ги стави во игра Лукаку, Нерес и Симеоне, а првите двајца беа најзаслужни за пресвртот на крајот.

Лукаку најпрво израмни на 1:1 во 92-та минута, за потоа Ангиса да погоди за целосен пресврт и вистинско лудило на „Диего Марадона“ во 96-та минута.

Ова е втора победа за Наполи во низа на домашен терен, па јасно е дека играњето во Неапол ќе биде важен ресурс за Конте во обидот да се одржи темпото со главните фаворити за титулата.

Видеото погледнете го ТУКА