Драма во Подгорица за ужасен крај за „штрковите“: Борац направи сензација против Будуќност, МЗТ испадна од АБА лига

Иако вчера се чинеше дека МЗТ Скопје оствари клучна победа за опстанок во АБА лигата, реалнсота велеше дека нашиот шампион зависи и од еден друг натпревар, кој денеска имаше нанјнеповолен крај за „штрковите“ кои остварија победи на трите последни меча во регионалното натпреварување.

Триумфот над Цибона за жал сепак нема значење како што сите замислуваа, бидејќи Борац од Чачак вечерва направи сензација и во драматичен натпревар успеа да го победи фаворизираниот Будуќност.

Тимот од Црна Гора немаше никаков императив да брка триумф, но достојно и професионално се бореше до самиот крај и во последните секунди не реализираше напад за победа, кој ќе значеше дека МЗТ опстанува во АБА лигата.

При резултат 85:86 за Борац, Хејнс имаше пробив во рекетот на гостите и со препознатлив „флоутер“ се обиде да го реши прашањето околу победникот, но топката се одби од обрачот и заврши во рацете на еден играч на Борац. Судијата досуди фаул на една секунда пред крајот, по што Гагиќ погоди едно од двете слободни фрлања и остана последен напад за израмнување или победа.

Иако Будуќност се обиде да го направи тоа, шутот заврши прекусо и не се менуваше резултатот (85:87), а тоа автоматски значеше дека Борац обезбеди место кое му гарантира бараж за опстанок во АБА лигата. Од друга страна, МЗТ Скопје директно се сели во понизок ранг и одново ќе игра во АБА2 лигата.

This is how much it means to them! 🙌

📺 Watch the final moments of the game in Podgorica and the big celebration of @BoracKlub squad after they clinched their most precious win in the season. #ABALiga pic.twitter.com/YoGjnbTMYr

— AdmiralBet ABA League (@ABA_League) April 15, 2023