Драма на „Сент Џејмс Парк“: Велбек со гол во 114 минута го исфрли Њукасл од ФА Купот (ВИДЕО)

Брајтон ја доби драмата со Њукасл и дојде до билет за четвртфиналето на англискиот ФА Куп.

Многу возбудувања донесе пресметката на „Сент Џејмс Парк“, имаше од се по нешто, голови, жолти и црвени картони, поништен погодок со ВАР, а и дополнителни 30 минути кои се покажаа како среќни за Брајтон затоа што искусниот Велбек реализираше во 114 минута за конечни 2-1.

Домаќините го отворија резултатот преку Исак со удар од 11 метри во 22 минута, но гостите се вратија во игра во 44 кога Минтех реализираше против поранешниот клуб.

Гордон во 83 минута направи глупост и заработи директен црвен картон, потоа Лампти во 91 беше исклучен кај Брајтон за да во 93 минута во 93 минута реализираа преку Шер, ама поради милиматерски офсајд овој гол беше поништен.