Драма на „Ајброкс“: Фенербахче го возврати ударот, ама Ренџерс ја доби битката (ВИДЕО)

Тимот на Ренџерс е последниот патник во четвртфиналето на Лига Европа и тоа откако вечерва успеа да го добие трилерот со Фенербахче на „Ајброкс“.

Шкотскиот состав славеше во Истанбул со 3-1 и имаше отворен пат до место во Топ 8 фазата, но избраниците на Мурињо го возвратија ударот и со двата погодоци на Шимански славеа со 2-0 и дојдоа до 3-3. Ова значеше дека ќе има дополнителни 30 минути во Глазгов, период во кој немаше промена на резултатот по што победникот мораше да се реши на пенали каде херој беше голманот Батленд кој ги скроти ударите на Фред и Тадиќ.

Во последната серија за гостите не реализираше ниту Јандас, па Глазгов со 3-2 ја доби пенал драмата и закажа двомеч со Атлетик Билбао во борбата за полуфинале во второто по ранг натпреварување на УЕФА.

ОВДЕ погледнете ги најважните моменти.