Драма кај шампионот: Наполи шокираше и со спорно видео го исмеа Осимен, напаѓачот размислува да поднесе тужба!

Виктор Осимен го сврте вниманието на себе со нервозната реакција која ја имаше кон тренерот Руди Гарсија додека го напушташе теренот на гостувањето во Болоња, кое ќе го памети и по промашениот пенал во вториот дел.

Нигериецот се претвори во трагичар за „наполитанците“ и искажа големо незадоволство кога беше повлечен од игра, па иако италијанските медиуми открија дека голгетерот му се извинил на Руди Гарсија, очигледно е дека нешто во клубот не функционира на стартот на новата сезона.

Наполи забележа три кикса на стартот и веќе сериозно заостанува зад Интер, но почетната криза од теренот се префрли и надвор од него, бидејќи Тик-Ток профилот на „наполитанците“ објави спорно видео со кое го исмеа својот напаѓач.

Ова видео стана вирално и наиде на голема осуда од навивачите на Наполи, па иако во продолжение беше избришано, правниот тим на Осимен сега се закани дека може да биде подготвена тужба до клубот.

– Тоа што се случи на официјалниот Тик-Ток профил на Наполи е неприфатливо. Најпрво беше објавено видео со кое јавно се исмева Виктор, а потоа беше избришано. Тоа му нанесе сериозна штета на фудбалерот, кој во изминатиот период е жртва на лажни вести во медиумите. Го задржуваме правото да поднесеме легални акции против клубот за да го заштитиме Осимен, – гласи соопштението на Роберто Календа, претставникот на Нигериецот.

Napoli’s admin on TikTok trolling Victor Osimhen? Or what's this nonsense for your own player?

This is INSANE pic.twitter.com/QvPluTDbep

— POOJA!!! (@PoojaMedia) September 26, 2023