Довбик на претставувањето во Рома: Џирона е мал клуб

Украинскиот напаѓач Артем Довбик и официјално е промовиран како нов фудбалер на Рома, а на својата презентација фудбалерот истакнал неколку детали кои предизвикаа и реакции кај фудбалските фанови.

Довбик беше најдобар реализатор во Ла Лига како член на пријатното изненадување Џирона, но смета дека се работи за мал клуб во споредба со Рома.

– Последната сезона беше одлична за мене, но време е да го направам следниот чекор.

– Овде притисокот ќе биде поинаков. Џирона е мал клуб, додека Рома е престижен клуб во Италија со богата историја.

– Нема да биде исто, притисокот ќе биде поголем, но фудбалот без притисок не е фудбал, – изјавил Довбик.

Украинецот ќе го замени Ромелу Лукаку во нападот на „волчицата“, а Рома платила околу 38 милиони евра за овој трансфер.