Досена го посочи играчот со кој Ливерпул ќе стане „стратосферски“ состав

Поранешниот италијански репрезентативец, Андреа Досена верува дека на премиерлигашот Ливерпул му фали само еден играч, еден потег за да стане состав кој ќе биде едноставно најдобар и непобедлив.

Досена во својата кариера две години мина и на „Енфилд Роуд“, клуб од кој пак премина во Наполи. Токму во калчолигашот Наполи ќе крие играчот кој може да ги направи „црвените“ да бидат над сите-а тоа е дефанзивецот Калиду Кулибали.

-Ако лигата продолжи, Наполи тешко дека ќе се квалификува за ЛШ, па затоа клубот од Неапол ќе биде принуден да се откаже од некои важни играчи – најбарани се Фабијан [Руиз] и Кулибали. На Клоп му недостасува само едно парче за да се комплетира стратосферскиот состав, а спојувањето на Кулибали и Ван Дајк може да стане голема препрека.

-Исто така, Ливерпул нема економски проблеми и затоа договорот би бил на дофат за англискиот клуб, -смета Досена.