Досегашниот прв белгиски голман се откажа од националниот тим поради враќањето на Куртоа

Белгиските фанови се надеваа дека со промената на селекторот и најавеното враќање на Тибо Куртоа ќе биде ставен крај на проблемите во националниот тим, но камбекот на голманот на Реал Мадрид сега предизвика друг проблем.

Искусниот Коен Кастелс кој беше прв голман на Белгијците во отсутво на Куртоа решил да го искаже своето незадоволство од потегот на новиот селектор и нема да му се стави на располагање наредниот период.

Руди Гарсија е човекот кој ја доби одговорната позиција од претходниот селектор Доменико Тедеско, а Куртоа реши да се врати во националниот тим потврдувајќи го конфликтот со Тедеско.

– Чудно е што федерацијата направи промена на ставот од 180 степени и сега постелува црвен тепих и го пречекува Куртоа со раширени раце.

– Не очекував дека тој сам ќе решава дали ќе се врати во репрезентацијата, така што овој мој став не е насочен кон Куртоа, туку кон федерацијата и вредностите кои таа ги промовира со ваквите потези. Јас веќе нема да бидам достапен за репрезентацијата, – изјавил Кастелс, кој во моментов настапува во Саудиска Арабија.