Дортмунд останува без големиот талент, следна дестинација Франција

Борусија Дортмунд направи доста промени во играчкиот кадар во однос на минатата сезона, некои играчи си заминаа, дел беа ангажирани, а се најавуваат и нови потези со кои ќе се продолжи да се составува нова екипа под водство на Нури Шахин.

Меѓутоа „милионерите“ освен што загубија искусни имиња како Хумелс и Ројс, можат да останат и без еден од најголемите таленти, Јусуфа Мукоко.

Мукоко уште како тинејџер дојде до првата екипа, но некои работи се променија, тој не е во прв план и токму поради тоа се бара нова средина за него која според информациите ќе биде Олимпик Марсеј.

Фабрицио Романо пренесува дека Мукоко сакак да се пресели на „Велодром“, поточно ги одбива сите понуди за да заврши во Марсеј. Сега се на потег клубовите кои разговараат за позајмица со право на откуп.

Напаѓачот во претходната кампања настапи на 27 средби и постигна 6 погодоци.