Дортмунд доби уште една битка со Њукасл, Шахтјор ја победи мизерната Барселона (ВИДЕО)

Екипата на Борусија Дортмунд ја доби и втората битка со Њукасл во групата Ф во Лигата на шампионите.

Бундеслигашот пред некое време славеше на „Сент Џејмс Парк“ со 1-0, додека пак вечерва во својот дом беше подобар од премиерлигашот со 2-0 и со тоа направи голем исчекор кон пласман во наредната фаза.

Домаќините во двете полувремиња успеа до матираат Поуп, прво тоа му успеа на Филкруг во 26 минута, а точка пак стави Брандт во 79 минута.

Сега „милионерите“ се први со 7 бода, Њукасл останува на 4 поени.

Во втората средба од терминот 18:45 часот, Шахтјор Доњецк направи изненадување и ја доби Барселона со 1-0. Каталонците одиграа катастрофален меч, нешто слично како со Реал Сосиедад во неделата, ама овојпат немаа среќа за да дојдат до позитивен резултат.

Украинците ја искористија својата најдобра шанса во 40 минута преку Сикан и потоа се решија да ја бранат предноста против без идејната Барса која и да не создаде ниту една прилика во Хамбург.

Каталонците остануваат на 9 бода, Шахтјор пак сега има 6 поени во групата Х.