Дортмунд чисто реши уште еден предизвик пред дербито со Баерн (ВИДЕО)

Екипата на Борусија Дортмунд минатата седмица со убедливи 4-0 го реши рурското дерби со Шалке 04, а дека таа убедлива победа не беше случајна покажа денеска со чистиот триумф од 2-0 на гостувањето кај незгодниот Волфзбург.

„Милионерите“ во вистински време успеаа да ја затресат мрежата на противникот, по еднаш во двете полувремиња и со тоа да дојдат до 17 сезонски трумф. Португалецот Гереиро го отвори резултатот во 32 минута што беше негов трет погодок по враќањето на фудбалот во Германија.

Овој резултат беше активен до 78 минута кога Хакими на асистенција на Санчо ја затресе мрежата на домаќините за потврда на трите бода.

Сега Дортмунд е на еден бод од лидерот Баерн кој во вечерниот термин од 18:30 часот го пречекува Ајнтархт Франкфурт. Да не заборавиме токму во наредното коло Борусија е домаќин на баварците, меч кој може да даде одговор за тоа каде може да заврши овогодинешната титула.

На останатите дуели Баер Леверкузен како гостин го доби Борусија Менхенгладбах со 3-1, Вердер дојде до значаен триумф против Фрајбург, додека Падерборн и Хофенхајм ги поделија бодовите (1-1).