Дони: Аталанта кандидат за Скудетото? Убаво е да се сонува…

Аталанта му одржа лекција на Наполи во неделниот меч во Серија А и со тоа потврди дека е во одлична форма и сосема заслужено е при самиот врв на табелата.

Составот од Бергамо има само три бода помалку од лидерот Наполи кого го реши со 3-о, па дефинитивно почна да се поставува прашањето дали овој тим предводен од Гасперини има капацитет, знаење да го нападне и Скудетото. Кристијано Дони е поранешен италијански репрезентативец и легенда на Аталанта и според него има одредена еуфорија, убаво е и да се сонува, ама има клубови кои се пред Аталанта во овој момент.

-Луѓето во Бергамо зборуваат за тоа [Скудетото], тоа е нешто што го дискутираат во баровите. Убаво е да се сонува. а има основи кои го прават овој сон неостварлив. Освојувањето на Лигата на Европа и даде на Аталанта многу свесност и возбуда, а ја зголеми и самодовербата и личноста на многу играчи. Да се ​​зборува за Скудетото сега не е ерес, но има некои поподготвени тимови, -вели Дони кој не се согласува со изјавата на Антонио Конте дека Аталанта е посилна од наполитанците.

-Не се согласувам [со Конте], мислам дека секој им служи на своите интереси. Тоа е нешто што ме насмевнува кога се обидувате да се однесувате како пожарникар и да го намалите притисокот. Наполи е тим кој го освои Скудетото пред само една и пол година, а сега не изгледа многу полошо.

-Напротив, потпишаа и многу добри играчи. Така, мислам дека Интер е најсилниот тим, тие се напред. Но, да се каже дека Наполи е зад Аталанта е премногу, -заклучи Дони.