Дончиќ „заспа“ во одбраната, Јута со забивање го реши Далас (ВИДЕО)

Тимот на Јута Џез ја забележа првата сезонска победа на домашен терен во НБА лигата и тоа против Далас Маверикс кој падна во Солт Лејк Сити со резултат 115:113.

Далас губеше со 14 разлика по три четвртини, но се врати во последниот период и „мирисаше“ на продолжение по тројката на Томпсон на 27 секунди до крајот за 113:113. Меѓутоа домаќините го искористија последниот напад и воедно заспаноста на ѕвездата на гостите Дончиќ кој не беше доволно внимателен, па топката на Кларксон заврши во рацете на Колинс кој со забивање ги запали навивачите.

JOHN COLLINS JAMS IT FOR THE LEAD 🤯 pic.twitter.com/nCTPKu9REY

— NBA TV (@NBATV) November 15, 2024

Гостите го имаа завршниот напад меѓутоа шутот на Маршал не заврши низ обрачот.

Колинс со 28 поени и Кларксон со 20 беа лидери кај „џезерите“, Дончиќ залудно постигна 37 кошеви со 7 скока и 9 асистенција кај клубот од Тексас.