Дончиќ се повреди, Далас за малку ќе направеше подвиг против Минесота (Видео)

Лука Дончиќ се пожали на повреда во финишот на вториот период на дуелот меѓу Далас и Минесота и не можеше да им помогне на соиграчите кои загубија на домашен терен.

Вториот натпревар од божиќната програма во НБА донесе доминација на Минесота по повредата на Словенецот, но и одличен последен период за Маверикс, кои за малку ќе направеа подвиг на овој дуел.

Luka Doncic went back to the locker room after an apparent injury on this play. pic.twitter.com/R8xlcLdeHQ

— NBA on ESPN (@ESPNNBA) December 25, 2024

„Волците“ на полувреме имаа плус 17, во третиот период и плус 28, но Далас се разбуди во последната четвртина и стигна на два поена негатива.

Сепак, домаќините не искористија напад преку Ирвинг и на крајот Минесота славеше со 105:99.

Едвардс со 26 и Рендл со 23 поени беа најефикасни во победничкиот состав, додека на теренот најпрецизен беше Ирвинг со 39 поени.