Дончиќ нема по добро да ги памети празниците: Покрај повредата, Словенецот жртва и на организиран грабеж

Лука Дончиќ го повреди листот на последниот натпревар кој го одигра за време на божиќната програма во НБА лигата, но покрај паузата од најмалку еден месец, Словенецот нема по добро да ги памети овогодинешните празници и поради упадот во неговиот дом.

Како што јавуваат најугледните американски медиуми, Дончиќ бил мета на организиран грабеж кој завршил со голем профит за крадците, а единствена добра вест во целата ситуација е тоа што Словенецот и неговите најблиски не биле дома додека се случувала операцијата.

Ѕвездата на Далас не била во својот дом кога во куќата влегле неколку провалници, па тоа значително ја олеснила работата за крадците кои си заминале со добар плен.

Како што јавува локалната полија, големата НБА ѕвезда веќе доставила пријава за грабежот во неговиот дом, па во тек е опширна полициска истрага.

– Во времето кога имале непоканети гости во неговиот дом, за среќа Лука и неговото семејство не биле дома. Тие се безбедни и тоа е најважно, – порачува Лара Бет Зигер, менаџерката на Дончиќ.

Инцидентот се случил вчеравечер во Далас, а засега не е познато колкава штета има претрпено најдобриот играч на Маверикси.