Дончиќ не успеа да го спречи пресвртот на Феникс, Индијана го изненади Голден Стејт

Лука Дончиќ реализираше 28 поени за Далас Маверикс, но неговиот тим загуби од и сезонава одличниот Феникс (101:109).

Домаќините имаа предност од 12 поени во второто полувреме, но Феникс успеа да направи пресврт и на крајот да слави на гостувањето, со што ја задржува лидерската позиција во западната конференција.

Букер со 28 и Пол со 20 поени биле најефикасни во гостинскиот тим и најзаслужни за новата победа на „сонцата“.

Голден Стејт не успеа да ја оправда фаворитската улога против Индијана, па не само што гостите извлекоа продолжение, туку на крајот и победија со 117:121.

Кари со 39 поени бил најдобар реализатор во редовите на „воините“, додека Дуарте со 27 поени се истакнал во составот на Индијана.

На третиот одигран натпревар, Њу Орлеанс го победи Њујорк како гостин со 91:102.