Дончиќ не доби прекршок, па испорача балкански поздрав за судијата (Видео)

Лука Дончиќ почна да работи во полна пареа и веќе игра на препознатливо високо ниво како голема ѕвезда на Лос Анџелес Лејкерс, тим кој рано утрово ја запиша седмата победа во низа во НБА лигата.

„Езерџиите“ си поиграат со Њу Орлеанс и славеа триумф од 136:115, и тоа во меч во кој двете најдобри ѕвезди беа максимално расположени за игра.

Лука Дончиќ и ЛеБрон Џејмс заедно постигнаа 64 поени, а токму Словенецот беше човекот кој ја додаде топката до „кралот“ во моментот за историја.

Маестро Лука го проигра ЛеБрон кој ја надмина границата од 50 илјади поени во НБА лигата, но од оваа пресметка, Дончиќ понуди и еден момент кој стана вирален во регионот.

Словенецот често користи балкански изреки при нервозните реакции кон судиите, па така беше случајот и овојпат кога не му беше досуден прекршок……