Дончиќ изведе вонсериски потег за најавните шпици во НБА лигата, Леброн воодушевен: Ова е лудо (Видео)

Лука Дончиќ се обиде да ги стави личните проблеми настрана и максимално да се концентрира на тоа што се случува на теренот, а тоа му успеа рано утрово на мечот во Индијанаполис.

Далас ја прекина ужасната серија од четири порази во низа и славеше над Индијана со 104:127, натпрвар на кој видовме извонредно издание на Словенецот, надополнето со еден потег кој уште долго ќе се врти на најавните шпици за НБА лигата.

Дончиќ изведе вонсериска асистенција од невозможна позиција и успеа да го пронајде Харди кој погоди тројка, но додавањето на Лука е она што се најде во прв план.

Официјалниот профил на НБА лигата почна да прашува како Дончиќ го изведе ова, но покрај сите воодушевени фанови, се јави и Леброн Џејмс кој не штедеше комплименти за својот колега.

– Човеку, ова е ЕДНОСТАВНО ЛУДО!!!!

Man that's SIMPLY INSANE!!!! 🤣🤣🤣🤣🤣🤣🤣🤣🤣 https://t.co/WqyIWKHs4T

— LeBron James (@KingJames) March 28, 2023