Дончиќ дојде до нов рекорд, Секстон и Осман го расипаа дебито на големата тројка на Бруклин (ВИДЕО)

Доста возбудувања донесоа деветте натпревари во НБА лигата каде одново беа испишани некои нови рекорди, страници во најсилниот кошаркарски шампионат на светот.

Далас Маверикс како гостин славеше над Индијана Пејсер со 124-112, меч во кој Дончиќ дојде до новоисториско остварување. Словенецот реализираше 13 поени, 12 скокови и 12 асистенции со што стана најмладиот играч кој успеал да дојде до бројката од 30 трипл-дабл учиноци.

.@luka7doncic is now the youngest player in @nba history to reach 30 triple-doubles 🪄@ModeloUSA | #ModeloMilestones pic.twitter.com/d5Fx4R0rXK

— Dallas Mavericks (@dallasmavs) January 21, 2021

Освен него уште петмина играчи на Маверикс беа двоцифрени, а најдобар од нив беше Порзингис со 27 на кои придодаде 13 скокови. Залудни за Индијана беа комбинирнаите 51 поен кои ги уфрлија Брогдон и Сабонис.

Новата голема тројка на Бруклин Нетс, Дурент, Ирвинг и Харден за прв пат заигра против Кливленд, но нивното деби заврши со пораз од Кавалирс во драмата со продолженија со 147-135.

Фантастичниот Секстон веше автор на 42 поени, додека на високо ниво беше и охриѓанецот Осман кој беше активен дури 50 минути за кои даде 25 кошеви, 7 скокови и 7 асистенции.

Кај Нетс кои допрва треба да се склопат, функционираат како тим по големиот трејд, Кајри даде 37, еден повеќе пак имаше Дурент.

РЕЗУЛТАТИ: Кливленд – Бруклин 147-135 (прод.), Филаделфија – Бостон 117-109, Индијана – Далас 112-124, Атланта – Детроит 123-115 (прод.), Торонто – Мајами 102-111, Минесота – Орландо 96-97, Хјустон – Феникс 103-109, Голден стејт – Сан Антонио 121-99, Л.А. Клиперс – Сакраменто 115-96.