Поврзете се со нас

НБА

Дончиќ беснееше на свој соиграч во тешкиот пораз од Клиперс (Видео)

Објавено

на

Foto:twitter.com/dallasmavs

Лука Дончиќ и неговите соиграчи од Далас имаа лошо отворање на плејоф серијата против Лос Анџелес Клиперс, бидејќи Маверикси се прикажаа во навистина непосакувано светло и отворија со пораз во пресметката која се најавуваше како тесна и неизвесна.

Клиперси едноставно ги разбија гостите од Тексас и го решија прашањето околу победникот уште во воведните две четвртини, а Далас особено беше лош во втората во која постигна само осум поени.

Расположените домаќини им ја уништија вечерта на големите ѕвезди Дончиќ и Ирвинг, но од катастрофалното издание на неговиот тим посебно нервозен остана Словенецот.

Дончиќ не ја криеше фрустрацијата на теренот и во еден момент беснееше на соиграчот Макси Клебер, кој во дадената ситуација беше лошо поставен во рекетот и не успеа да прифати една лесна топка.

Тимската игра е она што прави главна разлика во НБА лигата и доказ за тоа беше првиот меч во „Крипто арената“, бидејќи на Далас не му беа доволни извонредните индивидуални изданија на Дончиќ и Ирвинг за посакуван триумф.

Дончиќ постигна 33, Ирвинг имаше 31 поен, но Далас на крајот загуби со 107:97 и ќе мора да се поправи во пресметките кои претстојат.

Останати плејоф резултати:

Бостон – Мајами 114:94
Милвоки – Индијана 109:94
Оклахома – Њу Орлеанс 94:92

Реклама
Реклама
Реклама

Популарни