Дончиќ беше исклучен, Лејкерс се распаднаа во Оклахома (ВИДЕО)

Составот на Оклахома Сити Тандер му се реваншираше на Лос Анџелес Лејкерс за неделниот пораз во НБА лигата или поточно рано утрово во својот дом славеше со 136:120.

Иако резултатски изгледа како убедлива победа на домаќините тоа воопшто не беше така, односно до истата дојдоа благодарение на играта во завршниот период кој го реализираа со 39:22, период во кој се случи клучниот момент, а тоа е исклучувањето на Лука Дончиќ.

При водство од 108:107 за „езерџиите“, Словенецот доби втора техничка грешка за расправа со навивач, односно судијата сметаше дека Дончиќ него му се обраќа и поради тоа предвреме беше испратен на туширање.

😳 La 𝐬𝐮𝐫𝐫𝐞𝐚𝐥𝐢𝐬𝐭𝐚 expulsión de Doncic.

Tras dirigirse a un aficionado, el árbitro pensó que esas palabras iban dirigidas hacia él.#dormiresdecobardes pic.twitter.com/PjFGQ5Nq2u

— NBA en Movistar Plus+ (@MovistarNBA) April 9, 2025

Од тука почна падот на гостите, подемот на ОКЦ која во преостанатиот дел го надигра ривалот со 29:12.

Гилџес-Александер беше во елемент со 42 поени, 6 скока и 6 асистенции, Вилијамс додаде 26, додека кај поразените Џејмс беше автор на 28 поени, четири повеќе од Ривс и пет од Дончиќ.

РЕЗУЛТАТИ:

Шарлот – Мемфис 100:124
Кливленд – Чикаго 135:113
Индијана – Вашингтон 104:98
Орландо – Атланта 119:112
Бруклин – Њу Орлеанс 119:114
Њујорк- Бостон 117:119
Милвоки – Минесота 110:103
Оклахома – Лејкерс 136:120
Финикс – Голден Стејт 95:133
Клиперс – Сан Антонио 122:117