Донарума си даде оценка за првата сезона во ПСЖ и најави огромна промена

Кејлор Навас пристигна во редовите на ПСЖ како најдобар играч на Европското првенство, но во својата прва сезона во Париз, италијанскиот чувар на мрежата се соочи со жестока конкуренција и не ја доби минутажата која ја посакуваше.

Самиот Италијанец признава дека било тешко да се прифати ротацијата од страна на тренерот Покетино, но истовремено е убеден дека тоа нема да се повтори наредната сезона и дека тој ќе биде прв голман на тимот.

– Ова не беше лесна сезона за мене, ќе си дадам 7 од 10 како оценка. Знам дека можам да дадам повеќе, дека мора да играм повеќе. Оваа сезона играв само половина од натпреварите и тоа не беше лесно.

– Не можев да го дадам најдоброто во овие услови, но сигурен сум дека ќе дадам многу повеќе за тимот и клубот во иднина. Имам многу добар однос со Кејлор Навас, двајцата сме добри момци и изградивме одличен однос.

– Сепак, наредната сезона нема да биде ваква. Клубот ќе направи избор и нема одново да има ваква ситуација со менување на минутажата. Добро ја изменаџиравме првата сезона, но во втората нема да се повтори истото, – вели Донарума во интервјуто за новинската агенција „АФП“.