Донарума ја реши драмата на „Енфилд Роуд“, ПСЖ е четвртиот четвртфиналист во ЛШ (ВИДЕО)

Фудбалерите на Пари Сен Жермен се конечни победници од драматичниот и исцрпувачки дуел со Ливерпул кој оваа вечер се одигра во рамките на осминафиналето на Лигата на шампионите.

„Светците“ пропуштија многу шанси на првиот меч во Париз и на крајот беа казнети од Елиот, па на „Енфилд Роуд“ тргнаа со негатива од 1-0, но истата рано ја „избришаа“ и тоа преку Дембеле во 12 минута.

Потоа имаше шанси на двете страни, ама не дојде до промена на резултатот во основниот дел што не однесе во дополните 30 минути во кои одново мируваа мрежите на Алисон и Донарума.

Ова значеше дека ударите од 11 метри ќе го одлучат патникот во Топ 8 фазата, серија во која херој беше Донарума кој ги скроти ударите на Нуњез и Џонс во втората и третата серија.

Единствен кај домаќините кој реализираше беше Салах, додека кај „светците“ непогрешливи беа Витиња, Рамош, Дембеле и Дуе.

ОВДЕ погледнете ги најважните моменти.

ПСЖ во следната рунда ќе игра со победникот од Астон Вила-Бриж.