Дон Карло е голем џентлмен: Шпанците открија каква порака имал Анчелоти за тренерот на Осасуна (Видео)

Карло Анчелоти нема по добро да го памети натпреварот против Осасуна, без разлика на тоа што неговиот Реал Мадрид успеа да слави со високи 4:0 на „Сантијаго Бернабеу“.

Причина за тоа се трите повреди кои ги заработија Родриго, Васкез и Милитао, од кои онаа на стоперот е најтешката и најнеповолна за искусниот италијански стручњак.

Трите повреди ја фрлија во сенка победата на „кралскиот клуб“, но специјализираните медиуми кои се занимаваат со најситните детали од натпреварите во Ла Лига, сега открија дека Дон Карло уште еднаш се покажал како голем џентлмен.

Анчелоти имал порака за помошникот на Осасуна пред самиот старт на мечот, односно побарал од истиот да му пренесе порака на Висенте Морено.

Тренерот на Осасуна беше погоден од големата трагедија во Валенсија и неговиот роден дом беше еден од поплавените во катастрофалното невреме, па откако пред десет дена плачеше на пресот за големите загуби во Масанаса, во саботата поради суспензија не беше во официјалниот протокол на натпреварот.

И покрај тоа, Анчелоти како голем џентлмен не го заборавил Морено, па на неговиот помошник му порачал дека може да му се јави за било каква услуга доколку е потребно такво нешто.

– Поздрави го и се нека излезе како што треба за неговото семејство. Каква работа и да треба, нека ми каже…., – порачал Анчелоти.

Ancelotti ask Osasuna coach about his family after the latest storm in Valencia.

Ancelotti: I hope the family is well. If you need anything, please let me know. pic.twitter.com/KVMa13LMXG

— Dr Yash  (@YashRMFC) November 11, 2024