Домино-ефект: Атлетико потроши цело богатство за Алварез, Аргентинецот „отклучува“ уште два трансфери!

Најавите кои прристигнаа вчеравер од Аргентина, значително се интензивираа ова утро во Англија, па сега и од Островот пристигна потврда за блокбастер трансферот кој го договориле Атлетико Мадрид и Манчестер Сити.

Хулијан Алварез самиот нагласи дека е подготвен за промена на средината и со тоа го натера Манчестер Сити да слуша понуди за него, а последната која ја доставила Атлетико Мадрид ги задоволила барањата на актуелниот англиски шампион.

Пеп Гвардиола секогаш им ги отвора вратите на играчите кои не сакаат да бидат дел од неговиот тим, но за возврат Манчстер Сити ќе добие неверојатни 95 милиони евра.

Угледните англиски медиуми информираат дека целосниот пакет со бонуси и идни провизии може да достигне 95 милиoни евра, што прави Аргентинецот да биде најскапа продажба во историјата на Манчестер Сити.

На овој начин, Диего Симеоне ќе го добие сонародникот кој навистина многу го посакуваше, додека Манчестер Сити добива голема сума на пари за да бара замена на трансфер пазарот.

Истовремено, овој договорен трансфер ќе предизвика и домино-ефект, односно Конор Галахер ќе се пресели од Челси во Атлетико Мадрид, а во спротивен правец ќе замине Саму Омородион.