Поврзете се со нас

Европски првенства

Доминација во завршницата за важна победа: Македонија славеше на гостувањето кај Швајцарија

Објавено

на

blank

Македонската машка ракометна репрезентација стигна до многу важна победа над Швајцарија (23:25), на денешното гостување од квалификациите за Европското првенство кое ќе се одржи на почетокот во 2022 година.

По рутинскиот триумф над Финска, ова беше поголем предизвик за избраниците на Данило Брестовац, а Кире Лазаров и неговите репрезентативни колеги успеаја со одлична игра во последната четвртина од мечот да ги обезбедат важните бодови.

Во првото полувреме два пати стигнавме до два гола позитива, но на крајот Лазаров обезбедуваше нерешени 10:10 со гол во последните секунди.

Швајцарците подобро го започнаа второто полувреме и стигнаа до плус три, но тајм-аутот на Брестовац направи целосен пресврт.

Направивме серија од 5:0 и го преземавме водството, па македонската репрезентација не ја испушти предноста до крај и славеше со 23:25.

Лазаров реализираше 6, Стоилов 5, а Георгиевски и Кузмановски по 4 голови, додека кај нашиот денешен противник очекувано најдобар реализатор беше Шмит со 7 голови.

Претходно, во истата група, Данска лесно ја совлада Финска со 22:40, па сега Македонија и Данска се на делба на првото место со максимален учинок, а Швајцарија и Финска имаат по два пораза.

Реклама
Реклама
Реклама

Популарни