Доку шоу во голеадата на Сити, прва радост за Шефилд Јунајтед (ВИДЕО)

Фудбалерите на Манчестер Сити ја забележаа најубедливата победа во средбите кои од 16 часот се одиграа во Премиер лигата.

Бранителот на титулата си поигра со Борнмут и славеше со 6-1, резултат со кој го презема првото место на табелата. Во главна улога беше летното засилување Доку кој се запиша во листата на стрелци, а воедно додели и четири асистенции при головите на Силва
(2), Аканџи и Фоден.

На крајот погоди и Аке, додека автор на единствениот гол за гостите беше Синестера во 74 минута.

Шефилд Јунајтед конечно дојде до прво славје во англиската елита и тоа во 11. коло. Арчер и Норвуд донесоа славје на „Брамал Лејн“ во соочувањето со Вулверхемптон (2-1).

Брентфорд пак го доби Вест Хем со 3-2, Палас беше подобар од Барнли со 2-0, а Евертон ии Брајтон ги поделија бодовите играјчи 1-1.